- idealanchkhuti.ge

სამოქალაქო ბიუჯეტის პროექტები

პროექტის ნომერი	დასახელება	სრული ბიუჯეტი	განხორციელების ადგილი	აღწერა
9	მე მიყვარს ლანჩხუთი	18000	ქ.ლანჩხუთი. ცენტრალური სკვერის ტერიტორია	იდეა გულისხმობს ლანჩხუთში, ცენტრალური სკვერის ტერიტორიაზე ქ. რკინიის კონსტრუქციის განთავსებას წარწერით მე მიყვარს (გული) ლანჩხუთი. ამ იდეის განხორციელება ქალაქის იერსახეს შესძენს მეტ სილამაზეს და ცნობადობას.
10	ქვემო შუხუთი, სკოლის მოპირდაპირე მხარეს სკვერის მოწყობა	35000	ქვემო შუხუთი, სკოლის მოპირდაპირე მხარეს. გაჩერების უკან. ნაძვნარში.	იდეა გულისხმობს სოფელ შუხუთის ცენტრში, სკოლის მიმდებარე ტერიტორიაზე 100მ2 სკვერის მოწყობას განათებებით, სკამებით, უფასო wi-fi-ით, ცხოველებისგან დამცავი ღობით, მონიტორითა და დინამიკებით, რომელიც გათვლილი იქნება ფილმების საჩვენებლად, საქართველოს ნაკრებების სპორტული ასპარეზობების საგულშემატკივროთ, ოლიმპიური თამაშების საყურებლად და მსოფლიოსა და ევროპის საფეხბურთო ჩემპიონატების გასაშუქებლად. სკვერი გათვლილი იქნება საშუალოდ 50 ადამიანზე. იდეის განხორციელების შემთხვევაში აღდგება სოციალური ურთიერთობები სოფელში, მოხდება თაობათა გაერთიანება, ახალგაზრდებს გაუჩნდებათ და გაუღმავდებათ ინტერესი სპორტის მიმართ და ჩამოყალიბდება ახალი კულტურული და სოციალური ურთიერთობები სოფელში, რომელიც დაკარგული იყო და იქნება ერთგვარი ნოსტალგიური გამოძახილი 90-იანი წლების მთელი სოფელი, რომ ერთ სახლში იკრიბოდა ფილმის ან ფეხბურთის საყურებლად.
11	საკვირაო ბაზრობა-ფესტივალი ლანჩხუთში	19400	ლანჩხუთი, ქალაქის ცენტრი, ყოფილი უნივერმაღის მოპირდაპირედ მდებარე სკვერში	„საკვირაო ბაზრობები“- მეწარმეები თუ რიგითი ადამიანები ვინც საკუთარი ხელითამზადებს ამა თუ იმ პროდუქციას შეძლებენ გამგეობის მოპირდაპირედ არსებულ სკვერში,რომელსაც ავტომობილების სადგომი და მინი ფესტივალ-ბაზრობებისთვის საკმარისისივრცე აქვს წარადგენას, პოპულარიზებას და გაყიდვას თავიანთი ხელნაკეთი პროდუქციის. თვითდასაქმებულთ შეეძლებათ ფესტივალზე წარადგინონ: სხვადასხვა აქსესუარები თუ ნაკეთობები.საოჯახო-საყოფაცხოვრებო, სასოფლო-სამოურნეო თუ სხვა დანიშნულების ხელნაკეთი ნივთები. საკვები პროდუქცია(ჩირი, ყველი, საწებელი, ჩურჩხელა, ჯემი, ტკბილეული...)ოჯახში დამზადებული სასმელები (ღვინო, წვენები, ალკოჰოლური ან უალკოჰოლო.) გამოუსედაგარი ნივთები რომლებსაც ახლებურად გადაკეთებით სხვისთვის შეთავაზებას შეძლებთ. სხვა პროდუქცია რომელიც თვითონ მოიფიქრა ან დაამზადა საკუთარი ხელებით.ფესტივალის მოსაწყობად ჩაიდგმება მცირე ზომის მაგიდები, რომლებზეც გამოიფინება გასაყიდი პროდუქცია. ასევე მოეწყობა სპორტულ-გასართობი, კულტურული ღონისძიებების თუ ცხელი სასმელებისთვის განკუთვნილი სივრცეები. ფესტივალი შესაძლოა მოეწყოს შაბათ ან კვირაობით, ან თვეში ერთხელ ან დღესასწაულებზე. ტექნიკურად მხოლოდ სპეციალური მაგიდები, ელ. ენერგია და მაცივრებიც საკმარისი იქნება. მონაწილეებს, ვისაც რაიმეს წარმოდგენა სურს გასაყიდად წინასწარ შეუთანხმდება ორგანიზატორებს(მერიას) და ამისდა მიხედვით დაიდგმება მაგიდები, მათ ვისაც მცირე რესურსი აქვს და მაგიდას სრულად ვერ იკავებს თვითნაკეთი პროდუქციით შეეძლებათ რამდენიმემ გაინაწილოს 1 მაგიდა.სკოლის მოსწავლეებს თუ სხვებს შეეძლებათ საკუთარი ჰობი აქციონ შემოსავლის წყაროდ ხოლო მათ ვინც რაიმე ბიზნეს ეწევა, მეტი სარგებლის და პოპულარიზაციის შესაძლებლობაა. ასევე მსგავსი საფესტივალო სივრცის მოწყობა კარგი იქნება კულტურული, სპორტული, შემეცნებითი თუ გასართობი ღონისძიებების განსახორციელებლად (მუსიკალური, სამხატვრო-საგამოფენო, საგანმანათლებლო, თეატრალური, ფოლკლორული, საქველოქმედო თუ სხვა).სასარგებლო იქნება ყველა იმ ადამიანისთვის ვინც ლანჩხუთის მკვიდრია და მონაწილეობას მიიღებს მსგავს ფესტივალში, იმისდა მიუხედავად გაყიდის თუ იყიდის რამეს, თუნდაც განტვირთვისთვის მივა ფესტივალზე. ხოლო უშუალოდ მონაწილეებს როგორც ზემოთ ვახსენე, შეეძლებათ ფინანსური სარგებლის და ბიზნესის რეკლამირების კარგ საშვალებად აქციონ. არამარტო ზრდასრულთ, არამედ ახალგაზრდებსაც შეეძლებათ გუნდურად თუ ინდივიდუალურად საკუთარი შრომით გამოიმუშაონ ფული, რაც არამარტო ფინანსურად არამედ სამომავლოდაც დაეხმარება დამოუკიდებლობისთვის საჭირო უნარჩვევების შეძენაში. ასევე თანატოლებისთვის და სხვა ადამიანებისთვისაც სამაგალითო, მამოტივირებელი იქნება.მსგავსი ფესტივალის სივრცე თავისთავად იზიდავს ხელოვნებით თუ კულტურით დაინტერესებულ საზოგადოებას რაც შეგვძლია თბილისის ან სხვა ქალაქების მაგალითზე ვთქვათ. ამასთანვე შესაძლებელია ორგანიზება გაეწიოს მუსიკალურ, სამხატვრო- საგამოფენო, ლიტერატურულ, საგანმანათლებლო,ფოლკლორულ, თატრალურ თუ საქველმოქმედო ღონისძიებებს. ასევე შედარებით მცირე მაშტაბის სპორტულ თამაშებს და გასართობებს მაგ:მაგიდის ჩოგბურთი, ფრენბურთი, ბანბიგტონი, ჭადრაკი „ფრიჟბი“ თუ სხვა. რაც მთლიან ჯამში კარგ ატმოსფეროს შექმნის და სრულიად შესაძლებელია არამარტო ქალაქში მცხოვრებთათვის არამედ სოფლებიდან თუ სხვა რეგიონებიდანაც გამოიწვიოს დანტერესება.
12	მრავალფუნქციური საჯარო ბიბლიოთეკა	34000	ლანჩხუთი/ საჯარო ბიბლიოთეკა	პროექტის იდეა მოიცავს ლანჩხუთის საჯარო ბიბლიოთეკაში თავისუფალი სივრცის მოწყობას,რაც ახალგაზრდებს დაეხმარება შემეცნებითი უნარების განვითარებასა და ლიდერული უნარ-ჩვევების ჩამოყალიბებაში. თავისუფალი სივრცის მოსაწყობად საჭიროა საჯარო ბიბლიოთეკაში გამოიყოს სივრცე, რომელიც აღჭურვილი იქნება თანამედროვე ინვენტარითა და მულტიმედიური ტექნოლოგიებით. თავისუფალი სივრცე მოიაზრებს მრავალფეროვან აქტივობებს. შესაძლებელი იქნება ცნობილი ადამიანების მოწვევა(ახალგაზრდების სურვილისამებრ) და მათთან ერთად საინტერესო წიგნების და აქტუალური თემების განხილვა. ვინაიდან ყველა საჯარო სკოლას არ აქვს საშუალება მოიწვიოს სკოლაში უცხოელი მასწავლებელი , შესაძლებელია თავისუფალ სივრცეში შეიქმნას ამერიკული კუთხე. პედაგოგებს ექნებათ საშუალება ახალგაზრდებს აჩვენონ ფილმები იმ პრობლემებთან დაკავშირებით,რაც აქტუალურია დღევანდელი საზოგადოებისათვის. ფილმის დასრულების შემდეგ შესაძლებელი იქნება მოწვეულ სტუმრებთან ერთად ფილმის განხილვა და პრობლემის გაიგივება თანამედროვე რეალობასთან. თავისუფალი სივრცე უნდა იძლეოდეს იმის საშუალებას, რომ ნიჭიერ ახალგაზრდებს შეეძლოთ საკუთარი ნახატების, ხელნაკეთი ნამუშევრების და ფოტო გალერეის გამოფენა/ გაყიდვა.( სასურველია გამოფენამ მიიღოს საქველმოქმედო სახე) თავისუფალ სივრცეში აგრეთვე შესაძლებელი იქნება შემეცნებითი თამაშების ჩატარება. თავისუფალი სივრცე მაქსიმალურად ხელს უნდა უწყობდეს ჯგუფური მეცადინეობის დროს ახალგაზრდებმა თავი კომფორტულად იგრძნონ. ახალგაზრდების ჩართულობით სასურველია დამზადდეს ვიდეო-რგოლი , რომელიც ფართო საზოგადოებას გააცნობს გურიის ღირშესანიშნაობებს. ახალგაზრდები მივიყვანოთ იმ დასკვნამდე, რომ ქვეყნის გაცნობა საკუთარი რეგიონის გაცნობით დაიწყონ. ახალგაზრდების წასახალისებლად შესაძლოა დაწესდეს ლანჩხუთის მუნიციპალიტეტის პრემია იმ ახალგაზრდებისთვის ვინც წვლილს შეიტანს სხვადასხვა აქტივობების დაგეგმვაში. მრავალფუნქციური თავისუფალი სივრცე საჯარო ბიბლიოთეკაში ხელს შეუწყობს ახალგაზრდები დააახლოვოს წიგნთან. დისკუსიისა და დებატების დროს მათ ჩამოუყალიბდებათ სწორი მსოფმხედველობა, შეძლებენ საკუთარი აზრის გამოხატვას და განივითარებენ ლიდერულ უნარ-ჩვევებს. საქველმოქმედო გამოფენა/გაყიდვა ჩამოუყალიბებს მორალურ ღირებულებებს. კომფორტული გარემო მიიზიდავს ახალგაზრდებს ისინი ბიბლიოთეკის ხშირი მომხმარებლები გახდებიან. ბიბლიოთეკის ახალგაზრდებისთვის თავშეყრის ადგილად გადაქცევა კი პროექტის მთავარი მიზანია.
13	სოფელ ჩიბათში სკვერის კეთილმოწყობა	35000	სოფელი ჩიბათი	იდეა გულისხმობს- მონაწილეობითი ბიუჯეტის ფარგლებში სოფელ ჩიბათში, მე-2 მსოფლიო ომში დაკარგულთა და გარდაცვლილ მამულიშვილთა მემორიალური დაფის კეთილმოწყობას, რაც გასულ წლებში სოფლის მოსახლეობის სურვილიც იყო და რამდენიმე ასეული ხელწერილიც შეგროვდა ამასთან დაკავშირებით.არსებული მემორიალური დაფა დაზიანებულია, რისი შეკეთებაც ამაო ცდა იქნება, რადგან იგი, ფაქტობრივად, არის აზრს მოკლებული კედელი და შეუძლებელია იმ შინაარსის წაკითხვა თუ მიხვედრა, რომელსაც წესით უნდა ატარებდეს. ამრიგად, ჩემი იდეა გულისხმობს ახალი მემორიალური დაფის გაკეთებას ძველი შინაარსის შენარჩუნებითა და ახლის დამატებით, კერძოდ, აფხაზეთისა და 2008 წლის (სამაჩაბლოს) ომების მონაწილეთა პატივმიგებას შესაბამისი საკრარული ნიშის გამოხატულებით, აგრეთვე იქვე მოეწყობა მცირე სკვერი ( რამდენიმე სკამითა და წყლის ფანტანით).ჩემი იდეის მიხედვით წარმოდგენილი მემორიალური დაფა იქნება საბჭოური თუ თანამედროვე რუსეთის მავნებლობის სიმბოლო.ოკუპანტი რუსეთის, რომელმაც უმოკლეს დროში უდიდესი ადამიანური რესურსი გაგვინადგურა და შესწირა მის იმპერიულ, ბოროტ ზრახვებს.იდეა მოიცავს: კულტურულ, ისტორიულ და განათლების შინაარსობრივ თემატიკას. იგი სარგებელს მოუტანს სოფლის თითოეულ მოსახლეს: ახალგაზრდებს, შუახნისა თუ ხანშიშესულ ადამიამებს, რადგან მემორიალური დაფა იქნება იმ წარსულის შემხსნებელი, რომელზეც უნდა დაფუძნდეს ქვეყნის უკეთესი მომავალი.ამასთანავე, მემორიალის კეთილმოწყობა სოფლის მაცხოვრებლების სურვილიცაა, რაც მათ ხელწერილების შეგროვებითაც კი გამოხატეს.
14	აკეთის კულტურულ-მემკვიდრეობითი სივრცის მოწყობა	34900	აკეთი	„მონაწილეობითი ბიუჯეტის“ საშუალებით გვსურს განვახორციელოთ ისეთი იდეა, რომელიც სარგებელს მოუტანს აკეთის თემს. ამიტომაც ჩვენმა გუნდმა, მოცემულ ოთხი თემოდან ( სპორტი, კულტურა, ახალგაზდობა და განათლება) შევარჩიეთ კულტურა. სოფელი აკეთი ლანჩხუთის მუნიციპალური ერთეულია. ის თავისი გეოგრაფიული მდებარეობით, ისტორიითა და კულტურით გამოირჩევა და წარმოადგენდა ხელოვნების სხვადასხვა დარგის დედაბოძსს. სწორედ ამიტომაც ამ პროექტის „მონაწილეობითი ბიუჯეტის“ საშუალებით იგეგმება სოფელ აკეთში „აკეთის კულტურულ-მემკვიდრეობითი სივრცის შექმნა“, რომელიც აგებული იქნება გურული ოდა სახლის მსგავად. „აკეთის კულტურულ-მემკვიდრეობით სივრცეში“ გამოიყოფა შემდეგი კუთხეები: 1. ხუხუნაიშვილების ანუ „შვიდკაცა“-ს გუნდის, „აკეთლების ღიღინის“ კუთხე. ხუხუნაიშვილებმმა საფუძველი ჩაუყარეს გურული მუსიკის ანუ კრიმანჭულის განვითარებას, რომლებიც გურული მუსიკის უბადლო შემსრულებლები იყვნენ. დღეისთვის მათი საფლავები აღმოჩენილია და რესტავრირებულია, რომლებსაც პატივს მიაგებს მთელი საქართველო და ამ საფლავების სანახავად ბევრი ვიზიტორი ჰყავდა სოფელს ივლისი-აგვისტოს თვეში, მათ შორის 9 აგვისტოს ხუხუნაისვილების რესტავრირებული საფლავები მოინახულა საქართველოს პრეზიდენტმა სალომე ზუაბიშვილმა, ანზორ ერქომაიშვილთან და კულტურის გამოჩენილ წარმომადგენლებთან ერთად. 2. პატარა ბიბლიოთეკა, რომელსაც ზოგად საგანმანათლებლო დანიშნულება ექნება. აკეთი იყო პირველი სოფელი გურიაში, სადაც გურიის სახალხო ბიბლიოთეკა დაარსდა 1893 წლის 22 აგვისტოს, რომელის მთავარი მისაა იყო გლეხობაში წიგნიერების გავრცელება. მისი გახსნის ინიციატორები იყვნენ: ისიდორე რამიშვილი, არსენ წითლაძე და ლავრენტი წულაძე. სწორედ მათ საპატივცემულოდ გვსურს აკეთის სახლ-მუზეუმში ბიბლიოთეკის დაარსება. 3. კუთხე დაეთმობა აკეთის გმირებს, კერძოდ: ვლადიმერ გოგუაძე ( საქართველოს ეროვნული გმირი), გია ტრაპაიძე( აფხაზეთის ომში დაღუპული), მურთაზი ირემაძე ( 2008 აგვისტოს ომის გმირი), გიგო ერქომაშვილი ( ხალხური სიმღერის შემსრულებელი, ლოტბარი) და გრიგოლ ცინცაძე( საქართველოს ეროვნული გმირი). სოფლის ახალგაზრობას უნდა ჰქონდეს შესაძლებლობა იცნობდეს და სრულიად იყვნენ ინფორმირებული მათი თანასოფლელი გმირების შესახებ. 4. ასევე იქნება კუთხე, სადაც გამოყოფილი იქნება გურულებისთვის დამახასიათებელი ტრადიციები მაგალითად: მოეწყობა კუთხე სახელწოდებით „კალანდა“ და ინტერიერი გაფორმებული იქნება ქვევრებითა და კერამიკული ნაკეთობებით. 5. რაც შეეხება სახლ-მუზეუმის ეზოს ინტერიერი იქნება გაფორმებული დეკორატიული ყვავილებით,ქვევრებით (როგორც გურული ეზო) და აგრეთვე აღსანიშნავია ის, რომ სახლ-მუზეუმის მიდებარე ტერიტორიაზე გაშენებულია ჩხავერის ჯიშის ყურძენი, რაც დამატებით ხიბლს მისცემს სახლ-მიზეუმს. ამგვარად ამ პროექტის საშუალებით, აკეთის მოსახლეობას კერძოდ კი ახალგაზრებს მიეცემათ მეტი სტიმული, რათა აქტიურად იყვნენ ჩართული სოფლისა და მუნიციპალიტეტის განვითარებაში. „აკეთის კულტურულ-მემკვიდრეობითი სივრცის“ დაარსება მოიცავს ახალგაზრდობის, განათლების და კულტურის საკითხს , რომელიც დააკმაყოფილებს პროექტის მოცემულ თემატიკას. სახლ-მუზეუმი სარგებელს მოუტანს სოფლის მოსახლეობას, ახალგაზრდობას და ასევე მას ექნება ტურისტული დატვირთვაც. ბოლო წლებში აქტუალური გახდა შიდა ტურიზმის განვითარება, შესაბამისად სოფელი აკეთი გახდება გურიის ერთ-ერთი ტურისტული ლოკაცია, რაც დამატებით სარგებელს მოუტანს მუნიციპალიტეტს და რაც მთავარია დავიწყებას არ მიეცემა სოფელ აკეთის კულტურა. ახალგაზრდებს შეეძლებათ გაიღრმავონ ცოდნა, ინფორმირებული იყვნენ და შეინარჩუნონ თავიანთი მემკვირეობა.
15	ველოტურიზმი ლანჩხუთში	18150	ლანჩხუთი	ძალზე საინტერესო და აუცილებელია ველოტურიზმის განვითარება ლანჩხუთში. ახალმა კვლევებმა მეტად საინტერესო მონაცემები წარმოჩინა. განსაკუთრებით აღსანიშნავია, როგორც მთიანი მხარე (აცანა, ორაგვე, აკეთი, მოედანი), ასევე კოლხეთის დაბლობი თავისი ფლორითა და ფაუნით, ეკოტურიზმისა და პილიგრიმული ტურიზმის განვითარება აუცილებელია მითებითა და ლეგენდებით, ნაციხარებით, მდინარეებით და ტბებით გაჯერებულ ჩვენს მუნიციპალიტეტში ქაოტური ტურისტული მოძრაობა შეიცვალოს რეგულირებული და მიზანმიმართული ველოტურიზმით უსაფრთხოების წესების მკაცრი დაცვით. ველოსიპედები საჭიროა იმ ბავშვებისათვის, რომელთაც არა აქვთ და მხოლოდ სიზმარში ნახულობენ მას. ამ პროექტის განხორციელება ერთგვარად ხელს შეუწყობს სოციალური სამართლიანობის აღდგენასაც. მათი ბედი თქვენს ხელშია. შესაძლოა ველოტურიზმის მოყვარულთა კლუბის ჩამოყალიბება, რომლის წევრები ველოსიპედებით იმოგზაურებენ მეზობელ მუნიციპალიტეტებში. ასევე მათაც შეეძლებათ მასპინძლობა გაუწიონ სტუმრებს. იდეის მიზანია სოციალური სამართლიანობის აღდგენა. ბავშვებს გაუქრებათ შური თანატოლების მიმართ. ჩემს უბანში ე. წ. გემშენის ბინებთან 50-ზე მეტი ბავშვი ცხოვრობს, მათაც ექნებათ საშუალება ისარგებლონ ველოსიპედებით, მიიღონ მონაწილეობა ველოტურიზმში, გაეცნონ ჩვენი კუთხის ბუნებას, მთებს, ხეობებს, მდინარეებს, ტბებს, ისწავლონ თევზჭერა, ეკოტურიზმის პრინციპები. გაკაჟდებიან, გახდებიან უფრო ენერგიულები და ხალისიანები, ჩაერთვებიან სხვადასხვა აქტივობებში, ისწავლიან მეგობრობისა და თანადგომის ფასს.იქნებიან ქვეყნის აქტიური მოქალაქეები. გთხოვთ, მხარი დაუჭიროთ ამ პროექტს, რადგან მისი განხორციელების შემთხვევაში არა მარტო თქვენი შვილები, მეზობლები, არამედ სოციალურად დაუცველი ოჯახის შვილები, ნაცნობი თუ უცნობი ბავშვები ისარგებლებენ ველოტურიზმის სიკეთით და თქვენი მადლიერი იქნებიან.
16	ღია საჭადრაკო სივრცის მოწყობა ლანჩხუთში	24000	ლანჩხუთი, გურული მხედრების მოედანი	იდეია მიზანია გურული მხედრების მოედანზე მოეწყოს ოთხი მაგიდა და სკამები ჭადრაკის დაფით, სადაც ახალგაზრდებს და არამარტო, მიეცემათ შესაძლებლობა მოაწყონონ ტურნირები ჭადრაკში და ასევე ეს იქნება შეხვედრის, გართობის და გონებრივი განვითარების ადგილი. როგორც მოგხსენებათ, ჭადრაკი მსოფლიო მნიშვნელობის სპორტია, შესაბამისად ეს არის ახალგაზრდების ჯანსაღი მომავლის საწინდარი.
17	ბიბლიოთეკის მოწყობა ჩიბათში	17750	ჩიბათი	ლანჩხუთის მუნიციპალიტეტში,სოფელ ჩიბათში სურვილი გვაქვს გაკეთდეს ბიბლიოთეკა. ადგილობრივი თვითმართველობა ინფორმირებულია და გამოგვიყოფს ორ ოთახს თავისივე შენობაში, ასევე სოფელს აქვს ძველი ბიბლიოთეკიდან გადარჩენილი წიგნები, რომელიც სოფლისთვის დიდი დატვირთვისაა და მათი ახალ ბიბლიოთეკაში განთავსება სოფლის ყველა ასაკის მცხოვრებლისთვის სასიხარულო იქნება. ბიბლიოთეკის გახსნა პირველრიგში ხელს შეუწყობს ახალგაზრდების განათლების დონის ამაღლებას, ინტელექტუალური შესაძლებლობების წარმოჩენას, თავისუფალი დროს სწორად და ნაყოფიერად გამოყენებას და საკუთარი შესაძლებლობების რეალიზებას საგანმანათლებლო სფეროს თვალსაზრისით. ასევე საინტერესო იქნება ყველა თაობის მკითხველისთვის, მოეწყობა საინტერესო დისკუსიები სხვადასხვა თემაზე, დაიგეგმება მხატვრული კითხვის დღეები, შემეცნებითი და ინტელექტუალური საღამოები, მოეწყობა ფილმის ჩვენება. ამ იდეის განხორციელება პირველრიგში სასარგებლო იქნება სოფელ ჩიბათისთვის და შემდეგ მთლიანად მუნიციპალიტეტისთვის. წინ წადგმული ნაბიჯი იქნება, განვითარებისკენ, სიახლისკენ, ახალგაზრდობის დაინტერესებისკენ და მათი მომავლის უკეთესობისკენ!
18	სავარჯიშო დარბაზის მოწყობა აცანაში	27000	აცანა	ჩვენი პროექტი ითვალისწინებს სავარჯიშო ფიტნეს დარბაზის მოწყობას სოფელ აცანაში.ფიტნეს დარბაზი აღჭურვილი იქნება სხვადასხვა სავარჯიშო ატრიბუტიკით მაგ:სარბენი ბილიკი,ორძელი,შტანგა,ბოქსის ტომარა,ხელთათმანები და სხვა მრავალი რამ რაც საჭირო სპორტული ცხოვრებისთის ,ასევე გვექნება სპორტული სამაგიდო თამაშები როგორებიცაა ბილიარდი და მაგიდის ჩოგბურთი.ჩვენს დარბაზში არის ერთი კუთხე სადაც განთავსებული იქნება პროექტორი,ამის საშვაელბით მოხდება სპორტული ღონისძიებების ფეხბურთის კალათბურთის რაგბის თამაშების გაშვება. ამავდროულად სხვა სპორტის სახეობების გაშუქება .ყოველ თვის 25 რიცხვში მოვაწყობთ შეჯიბრს ბილიარდსა და მაგიდის ჩოგბურთში და გამოვავლენთ გამარჯვებულს .ესეთი სახის შეჯიბრები კიდევ უფრო გაუზრის ახალგაზრობას მოტივაცისას. ჩვენი პროექტის საშუალებით სოფლის ახალგაზრდობას მიეცემათ საშვალება დაკავდნენ სპორტით. გაიჯანსაღონ ცხვოვრება და ამავდროულად აქციონ სპორტი საკუთარი ცხვორების თანამგზავრად.ასევე ჩვენს ახალგაზრდობას ექნება საშვალება სპორტულ გარემოში მიადევნონ თვალი საქართველოსა და მსოფლიო სპორტს.
19	ახალგაზრდებისთვის ელექტრონული ბიბლიოთეკისა და საბილიარდე სივრცის მოწყობა	33500	შუხუთი	შუხუთის ადმინისტრაციულ ერთეულში გვაქვს კეთილმოწყობილი დარბაზი, რომელიც ირიცხება მუნიციპალიტეტის ბალანსზე. პროექტის ფარგლებში იგეგმება ელექტრონული ბიბლიოთეკის მოწყობა, რომელიც ხელს შეუწყობს ახალგაზრდების განათლების დონის ამაღლებას და ინტერნეტთან წვდომას. შენობის პარამეტრებიდან გამომდინარე, აქვე განთავსდება საბილიარდე ცენტრი, რომელიც ხელს შეუწყობს ჯანსაღი ცხოვრების წესის დამკვიდრებასა და პოპულარიზაციას. ამ ცენტრის შექმნა სარგებელს მოუტანს მთელს მუნიციპალიტეტს, ვინაიდან მსგავსი ცენტრი მუნიციპალიტეტში ჯერ არ არსებობს.
20	სუფსის სამუსიკო სკოლის რეაბილიტაცია	35000	სუფსის სამუსიკო სკოლა	ლანჩხუთის მუნიციპალიტეტის სუფსის ადმინისტრაციულ ერთეულში საჭიროა სამუსიკო სკოლის რეაბილიტაცია, რაც გულისხმობს სახურავის შეცვლას, გარე ფასადის მოხატვასა და სამუსიკო ინვენტარის შეძენას. აღნიშნული სკოლის რეაბილიტაცია სარგებელს მოუტანს სუფსის ადმინისტრაციულ ერთეულს და მიმდებარე სოფლებში მცხოვრებ ახალგაზრდებს, რომლებიც დღესდღეობით სწავლობენ, ან სამომავლოდ ისწავლიან აღნიშნულ სამუსიკო სკოლაში.
21	მაჩხვარეთში ბიბლიოთეკის კეთილმოწყობა	28142	მაჩხვარეთის ბიბლიოთეკა	ჩვენს სოფელში არ არის სივრცე, სადაც ადამიანების გარკვეულ ჯგუფს თავშეყრის საშუალება ექნებათ. ამიტომ, ძალიან დიდი სურვლია, რომ სოფელში არსებული კანტორის შენობაში, რომელშიც განთავსებულია ბიბლიოთეკა და რომელიც აერთიანებს ორ ოთახს, ერთ-ერთში, სადაც ამჟამად განთავსებულია წიგნის ფონდი, გადაკეთდეს ისე, რომ წიგნის ფინდს საკუთარიიი სივრცე ჰქონდეს და ამავდროულად მოხერხდეს სააქტო დარბაზის, ანუ სამკითხველო სივრცის მოწყობა, სადაც ჩვენი სოფლის საზოგადოების წევრთა სხვადასხვა ასაკის, ინტერესის, მოთხოვნების შესაბამისად შესაძლებელი იქნება პატარ-პატარა ჯგუფებად შეკრება, საუბარი, სულიერი სიმშვიდით ტკბობა და აზრთა ურთიერთგაცვლა. სააქტო დარბაზის მოწყობა შესაძლებლობას შექმნის, რომ მოხდეს საზოგადოების სხვადასხვა ფენის, განსაკუთრებით ახალგაზრდების შეკრება, საჭირბოროტო საკითხებზე მსჯელობის მიზნით, ასევე სხვადასხვა აქტივობების ჩატარება. ეს იქნება ადგილი, სადაც მათ შეეძლებათ, იმუშაონ ინდივიდუალურად, ან გუნდთან ერთად, ჩაერთონ საინტერესო ღონისძიებებში, სასწავლო პროგრამებსა თუ დისკუსიებში. პერიოდულად გაიმართება საჯარო ლექციები, საგანმანათლებლო თოქ-შოუები, შეხვედრები, ბიზნესის, ხელოვნების, აგროსექტორის, საინტერესო სტარტაპებისა და სხვა მნიშვნელოვანო სფეროს საუკეთესო წარმომადგენლებთან. ეს ყველაფერი კი ერთი-ორად გაზრდის ერთგვარად ნიჰილიზმით შეპყრობილი ახალგაზრდების საზოგადოებრივ ცხოვრებაში ჩართვას, მათ სამოქალაქო აქტივობის გაძლიერებას. სააქტო დარბაზში შესაძლებელი იქნება, გარკვეული დრო დაეთმოს ინკლუზიურ სწავლებას, სოფელში არსებობს ბაგა-ბაღი, ახლოსაა #3 საჯარო სკოლა. მოეწყობა კონკურსები ლიტერატურაში, ხატვაში, ფოტოგრაფიაში.
22	ფრენბურთის მოედნის მოწყობა	34000	ლანჩხუთი, გურიის ქუჩა	ბოლო რამდენიმე წელია, როგორც ახალგაზრდებში, ასევე ზრდასრულ ხალხში საკმაოდ პოპულარული გახდა ფრენბურთი. არის დიდი ინტერესი ახალგაზრდების მხრიდან და შესაბამისად, გაჩნდა იდეა, რომ გაკეთდეს ფრენბურთის მოედანი, ვინაიდან ქალაქში არ არის მსგავსი ადგილი. ფრენბურთის მოედნის არსებობა ხელს შეუწყობს ადგილობრივებისა და არამარტო ადგილობრივების ერთმანეთთან დაახლოებას. გაიზრდება ჯანსაღი წესით მაცხოვრებელ ადამიანთა რიცხვი.
23	ლანჩხუთში მრავალფუნქციური გასართობი სივრცის მოწყობა	35000	ლანჩხუთი, ძველი სასტუმროს მუნიციპალიტეტის საკუთრებაში არსებულ ერთ-ერთ სართულზე	ჩვენს ქალაქში დღემდე არ არსებობდა სივრცე ახალგაზრდებისთვის. ამიტომაც ჩვენი მიზანია, ქ. ლანჩხუთში შეიქნას ადგილი, სადაც შესაძლებელი იქნება განტვირთვა და ჯანსაღ ცხოვრებაზე ზრუნვა. ქალაქის ისტორიაში ეს იქნება უპრეცედენტო შემთხვევა, როდესაც თავად მოქალაქეებს ეძლევათ შანსი, განახორციელონ ასეთი მნიშვნელოვანი პროექტი, როგორიცაა აღნიშნული სივრცის შექმნა. ჩვენს მიერ წარმოდგენილი იდეა მმართულია ხალგაზრდობის გართობა-განვითარებასა და ჯანმრთელობაზე. ასევე, ამ იდეის განხორციელება, ჩვენი აზრით, დიდი წინგადადგმული ნაბიჯი იქნება ქალაქის განვითარებისკენ, რაც კარგად აისახება ჩვენი ქალაქის იმიჯზეც.
24	ნოე ჟორდანიას სკვერის გამოცოცხლება	23500	ლანჩხუთი, ჟორდანიას ქუჩა	საზოგადო მოღვაწე, რომელმაც 1918 წლის 26 მაისს, საქართველოს სახელმწიფოებრიობის აღდგენა გამოაცხადა და პირველი დემოკრატიული რესპუბლიკის თავმჯდომარე გახდა, ეს იყო წარმოშვებით ლანჩხუთელი ნოე ჟორდანია. ქალაქის ტერიტორიაზე არის ნოე ჟორდანიას სახელობის სკვერი, რომელსაც გვინდა ახალი სიცოხლე შევძინოთ. სკვერი იქნება შემეცნებითი ხასიათის. სკვერში გვინდა მოეწყოს მოძრავი ბიბლიოთეკა, დაიდგას სკამები, ნაგვის ურნები, გაკეთდეს მინი-სცენა(სადაც შესაძლებელი იქნება პოეზიის საღამოების მოწყობა, საუბრები ლიტერატურაზე, და ღია ცის ქვეშ ხელოვანთა ნამუშევრების გამოფენა), დიდი სურვილი გვაქვს არსებული სკვერის გარკვეული ნაწილი შემოვღობოთ. პირველ რიგში სკვერის მოწყობა გამოხატავს ლანჩხუთელების მადლიერებას და პატივისცემას. ლანჩხუთში არ არის მსგავსი სახის სივრცე და ეს იქნება წახალისება ლანჩხუთელებისათვის
26	ჯურუყვეთის კლუბის კეთილმოწყობა	35000	ჯურუყვეთი	ჯურუყვეთის ადმინისტრაციულ ერთეულში სამი დასახლებაა - ბაღლეფი, ეწერი და ჯურუყვეთი. სამივე სოფელს მხოლოდ ერთი საზოგადოებრივი თავშეყრის დახურული სივრცე აქვს. ეს არის ჯურუყვეთის კლუბი. ადგილობრივი ხელისუფლების მიერ თავის დროზე შეძენილი იქნა კლუბის ინვენტარი და აპარატურა, თუმცა კლუბის ინტერიერი ძლიერ დაზიანებულია და გადაუდებლად საჭიროებს აღდგენას. ამ მიზეზის გამო, კლუბში ვერ ტარდება სხვადასხვა სახის კულტურული და სხვა ღონისძიებები. პროექტის მიზანია ადმინისტრაციული ერთეულის კულტურული პოტენციალის ამაღლება. პროექტის ამოცანაა ჯურუყვეთის კლუბის ინტერიერის გარემონტება და ადგილლობრივი მოსახლეობისთვის, უპირველესყოვლისად კი ახალგაზრდებიისთვის, გართობისა და დასვენების სივრცის მოწყობა. პროექტის განხორციელების შედეგად მნიშვნელოვნად გაუმჯობესდება ჯურუყვეთის ადმინისტრაციული ერთეულის კულტურული პოტენციალი.
27	ლესას კულტურის სახლის კეთილმოწყობა და მისი ფუნქციიურად დატვირთვა	34235	ლესა, ყოფილი კულტურის სახლი	სოფელ ლესაში არსებულ კულტურის სახლს ორი წლლის წინ ჩაუტარდა დარბაზის სარემონტო სამუშაოები. დარჩენილია იატაკის მოწყობის სამუშაოები, ასევე საჭიროა დარბაზისთვიის 150 ცალ სავარძლს შეძენა და დამონტაჟება. პროექტის განხორციელების შემთხვევაში დასრულებული სახე მიეცემა კულტურის სახლის დარბაზს. აქ ფუნქციონირებს ცეკვის წრე, სადაც დადიან ლესასა და ჭინათში მცხოვრები ბავშვები. პროექტის განხორციელება ხელს შეუწყობს ბავშვების განვითარებას, მიეცემათ საშუალება მომზადება გაიარონ ნორმალურ გარემოში. არის შემთხვევები, როდესაც ჩვენი სოფლის ბავშები დადიან ქალაქ ლანჩხუთში, რადგან ადგილზე არ არსებობს შესაბამისი პირობები
28	მაჩხვარეთში მულტფუნქციური სტადიონის მოწყობა	18730	მაჩხვარეთი	იდეაა მაჩხვარეთში გაკეთდეს მულტიფუნქცური სტადიონი. სტადიონზე იქნება როგორც საფეხბურთო მოედანი, ასევე კალათბურთის ფარი, ფრენბურთის სათამაშო მოედანი. მაჩხვარეთის ადმინისტრაციულ ერთეულში არ არის სტადიოინი, ახალგაზრდებს უწევთ სხვა სოფლებში წასვლა. ეს იქნებოდა წახალისება ადგილობრივი ახალგაზრდებისთვის. აქ მოეწყობა სხვადასხვა ტურნირ, რაც გამოაცოცხლებს და სტიმულს მისცემს ჯანსაღი ცხოვრების წესის დამკვიდრებას ახალგაზრდებში.ეს პროექტი, უპირველესყოვლისა, ახალგაზრდებისთვისაა. ყველაფერს მოკლებული ახალგაზრდობა შეძლებს სპორტული აქტივობებით დაკავებას.
29	ჯიხეთის მონასტრის გადასახვევთან სკვერის კეთილმოწყობა და ფუნქციურად დატვირთვა	32500	სოფელი ჭყონაგორა	იდეა გულისხმობს ჯიხეთის მონასტრის გადასახვევთან სკვერის კეთილმოწყობასა და მის ფუნქციურად დატვირთვას. ტერიტორიის გარშემო მოეწყობა ღობე, რათა სკვერი დაცული იყოს ცხოველებისგან. აქ განთავსდება ბავშვებისთვის საქანელები, სკამები, შეკეთდება არსებული ფრენბურთის მოედანი, დაიდგმება ბუნგალო. სკვერი მდებარეობს ჯიხეთის დედათა მონასტერთან მიმავალი გზისა და სამტრედია-ლანჩხუთი-გრიგოლეთის ცენტრალური საავტომობილო გზის კვეთაზე, სადაც გაშენებულია წიწვოვანი ხეები. სკვერით სარგებლობს როგორც სოფლისა და ნიგოითის თემის მოსახლეობა, ასევე ჯიხეთის დედათა მონასტერში მიმავალი ტურისტები და ექსკურსიებზე მყოფი ადამიანები. აღსანიშნავია, რომ ვიზიტორთა სიიმრავლე შეინიშნება წელიწადის ყველა სეზონზე. პროექტის განხორციელება შექმნის გასართობ სივრცეს ნებისმიერ ასაკის ადამიანისთვის.
30	სოფელ ჯუნეწერში ბავშვთა და მოზარდთა დასვენებისა და გართობის სკვერის მოწყობა	33600	ჯუნეწერი	გვიმბალაურის ადმინისტრაციულლ ერთეულის სოფელ ჯუნეწერში არსებობდა საქართველოს ტერიტორიული ერთიანობისთვის ბრძოლაში დაღუპული ჟურნალისტის, ვახტანგ გორგასლის მეორე ხარისხის ორდენოსნის დავით ბოლქვაძის სახელობის სკოლა, რომელიც დაიშალა და არ ფუნქციონირებს. მის ადგილას დიდი სურვილი გვაქვს, მოვაწყოთ სკვერიი ბავშვთა და მოზარდთა გართობისა და დასვენების მიზნით. სკვერი აღჭურვილი იქნება თანამედროვე სტანდარტების შესაბამისად. მოეწყობა საბავშვო სივრცეები, ფანჩატური, სხვადასხვა სახის ატრაქციონი, საქანელები, საბაღე სკამები და ურნები. მოეწყობა განათების სისტემა და წყალი, საფეხმავლო ბილიკები, პანდუსი, დაირგვება მცენარეები. სკვერი მოპირკეთდება დეკორატიული ფილებითა და ღობით. სოფელ ჯუნეწერში არ არსებობს არანაირი მულტიფუნქციური ობიექტი. ჩვენი მოსახლეობის არჩევანი არის სკვერის კეთილმოწყობა. სოფელში მცხოვრები თითოეუილ ადამიანისთვის სკვერის მოწყობა არის მნიშვნელოვანი. სკვერისთვის გათვალისწინებული ადგილი მოუვლელია (არის ქვეწარმავლები). სკვერის მოწყობის პროცესში მოხდება მისი გასუფთავება. ასევე სკვერი ქნება შესვენებიის, შემეცნებითი-გასართობი ადგილი მოსახლეობისთვის.
31	ბავშვთა გასართობი ღია სივრცის მოწყობა ზემო შუხუთში	34500	ზემო შუხუთი	სოფელ ზემო შუხუთში გვაქვს მუნიციპალიტეტის ბალანსზე რიცხული მარადმწვანე ნარგავებანი ტერიტორია, რაც საშუალებას გვაძლევს, მოვაწყოთ ბავშვთა გასართობი სივრცე. პროექტის ფარგლებში მოსახლეობის სურვილია, მოეწყოს ბავშვებისთვის კეთილმოწყობილი ეზო. წარმოდგენილი პროექტი სარგებლობას მოუტანს სოფელში მაცხოვრებელ მცირეწლოვან ბავშვებს და გაუადვილებთ ერთმანეთთან კომუნიკაციას.